تعرف على راي الاعضاء فيك

تعرف على رأي الاعضاء فيك
الفكرة هي :

1- فــي كــل اسبــوع عضــو أو مشــرف جــديد .

2 - خلال هــذا الاسبوع، يتــم ذكر ايــجابيات وسلبيات هــذا العضــو أو المشرف .

3 - عــلى كــل شخــص في هــذا المـوضوع أن لا يــدع للخــجل أو العــاطفــة
مكــان بيــن حــروفــة فــالصــراحــة هــي عنــوان هــذا المــوضوع .

4 - يستــطيــع العضــو والــذي يكــون تحــت الحكــم خــلال الاسبــوع أن يــلقي
كلمــة واحــدة فقــط، وتكــون يــوم الخميـــس أي فــي آخـــر يــوم مــن الحكــم عليــة .

5 - يتــم تحــديد العضــو أو المشــرف الــذي ســوف يكــون تحــت الحكــم مــن قبـــل
العــضو الســابق (أي خــلال القــاء العــضو المحكــوم عليــة الكلمــة الأخيــرة) .

6 - كــل يــوم جمعــة عضــو جــديــد..

الله الله عالافكار الجامدة

موضوع حلو اووى .. وفكرة جديدة

وانا اهه ببتدى وحرشح " دكتور الحب "

هههههههههههههههههه
انا عرفت بقا هو زعل ليه
ههههههههههههههههه
انا بقا هرشح king of love

ناا فى الحقيقة مش عارف اقول ايه بس انا برد علشان لولو متزعلش
المهم فى الموضوع ان الصورة الى حطاها لولو دى امورة قوى

انا مش فاهم لكم حاجة كل واحد واخد واحد وعمال يثبته هاه نقول ايه اللى يطوف ياما يشوف

يا جماعه انا كدا بردو ما عرفتش انتو رشحتو مين ...

انا من راي ان حد منا يحدد مثلا 3 اعضاء واحنا نرشح واحد منهم وبعدين كل واحد منا يقول رأيه في العضو اللي رشحناه .. ايه رايكم ؟ draem

ماشي انا ارشح الكنج والدكتور وهمس وانتو اختاروا منهم اللي يريحكم وقولوا رايكم فيه وانا ارشح الكنج

انا ارشح كنج و كوين و شيكو
همس على فكره خلاص لا حيات لمن ينادي مش هتيجي تاني

اوك وانا ارشح كينج .. ايه رايكم ؟

انا بقا حرشح الدكتور

كده 2 صوت لكنج

1 صوت للدكتور

ياريت تكملوا النهاردة التصويت ونحدد ميين هو النهاردة

انا ارشح الكنج

خلاص يبقى هو الكنج
اللي عاوز يقول عنه حاجه يقول

اوك ابدا انا هوه طيب بجد جدع جدا يدي لصاحبه اي حاجه هوه عاوزها عيبه انه مش بيحس بمعزه اللي حواليه ليه الا لما يبفقدها او لما يضرب على دماغه عشان يفوق وكمان عيبه دماغه وهوه فاهم قصدي

انا معرفش عن احمد كتير بس اقدر اقول انو من الشخصيات المحترمة جدا ومرح
وربنا معاك ويرجعك بلسلاامة

ربنا يخليكم يارب على الترشيح اللي بصراحة اتفاجئت بيه دا وبجد مش عارف أقول إيه بس عندي إضافة صغيرة للموضوع وياريت تقبلوها إن الشخص المرشح ليه الحق إنه يدافع عن نفسه في حالة لو في حاجة ما عجبتهوش في الكلام يقدر يدافع فيها متهيقلي كده اللعبة تبقى كاملة أكتر وأنا هبدأ واقول رأيي في كلام كعبول ودكتور الحب

بالنسبة لكلام كعبول في صح كتير إني دماغي بتتعبني كتير يعني أنا من الناس اللي مخهم يجيب ويودي كتير وممكن تطلع الحاجة مالهاش لازمة وبالتالي بكون تعبت أعصابي على الفاضي, تاني حاجة إني مش بحس بمعزة اللي حوالي غير لما بفقدها دي مش صح تماما أكيد أي إنسان حواليه ناس بتحبه لازم بيكون حاسس بيهم على الأقل انا بتكلم عن نفسي بس بيحس بيها أكتر لما بيبعد بس إظاهر كعبول فهم كلامي غلط إني ما كنتش حاسس بيها أصلا وحسيت لما فقدتها ودا طبعا مش صح .
بالنسبة لكلام دكتور الحب: ربنا يخليك يا حبيب قلبي أنا ما قابلتكش غير مرة واحدة بس بجد أنت إنسان محترم وإن شاء الله نتقابل تاني في الخير إن شاء الله وكل اللي يعرفني يا جماعة يقول رأيه بصراحة وأنا برده هرد لو في حاجة ما عجبتنيش وشكرا على اهتمامكم بالموضوع دا بجد حلو أوي

طيب يلا نرشح ناس تانية

انا برشح ( الدكتور - الملكة - بروكين هيرت - الفرعون )

اختاروا انتوا بقاااا

انا برشح منهم الفرعون

يا ريت كل واحد يختار حد منهم علشان نقدر نكمل اللعبه

اوك نختار الفرعون

بلنسبة للفرعون انسان مرح لدرجة عالية جدا عقلو اكبر من سنو اجتماعى جدا وكلامى سابق سنو بمراحل وانا عمتا بحبة جدا

الفرعون زي ماقال الدك فعلا انسان زي العسل بحبه اوي بحب جدا ادخل الاقيه في المنتدى وكمان بحب اروحا لاقيه عند الدك في السيبر انسان مرح بجد طيب جدا

كان نفسي بجد ومنى عيني المنتدى كان يتعمل بدري شوية كنت اعرف الناس دي كلها يااااااااااااريت إن شاء الله أول ما انزل مصر بإذن الله لازم اشوف الناس دي كلها لانها شكلهم جمال أوي وأنا فاتني حاجة كبيرة لما سافرت من غير ما اعرفهم ياحظك يا كعبول ماشية معاك حلاوة يا كوكو