لجنه الامتحان!!!

النهاردة اعضاء قسم الهلوسه (ده اسم ناس تخش امتحانات )...هيدخلو الامتحان..و هناخد لجنة.لجنة...وكل يوم ان شاء الله هنستلم مجموعة...كله يحاسب على نفسه
واليكم ما حدث؟!!!!
المراقب طبعا DR_ALHOB ...بس يا رب (ميعقدهاش)..ويبحبحها شوية
ويبدا فى القاء التعليمات...قائلا:بصوا يا ولاد احنا فى قسم الهلوسة حبايب اه...لكن اللى هقفشوا بيغش.يا ويله هعلقوا من قفاه..ومفيش اعمال سنة ليه.مفهوم
الكلام مع اللى جنبك ممنوع.الكلام مع نفسك حتى ممنوع..
فزمجر( mido) وهو يتحسس البرشام اللى فى (الشراب)
اه...شكلنا كده مش هنعرف نعمل حاجة...فرد عليه broken heart متخافش يا عم تقريبا كده king of loveمذاكر كويس..وهيظبطنا دا انا لسه مسلفه سندوتشات فلا يمكن يرفض فالتفت اليهم المشرف :انت يا كابتن من اولها كده احنا لسه عملنا حاجة..
وعلى ناحية اخلرى تجلس koke فى هدؤ طبعا عارفيين ليه؟
لانها من اول النهار بتكتب المنهج على (التختة)
وطبعا lora ساعدتها فى الموضوع ده..
اما بقى( الفرعون الصغير ) فملخص المنهج على المسطرة...وبخط مش واضح..
فا حاطط فى بطنة بطيخة صيفى...مين قدك يا عم؟
فاضل على الامتحان 10 دقايق..
والاعصاب مشدودة...shiko عمال يحدف ورق فى قفا mando ..وكل ما يبص يقولو مش انا...
hams 2lro7 عمالة تراجع :يا رب السؤال الاول فى الملزمة كان ايه؟؟؟
فرمت عينها الى اليمين...لقت angel عمالة تكلم نفسها:يا رب انا كنت حاطا برشام السؤال الاول هنا....راح فين؟ هو ده وقته...دا انا عمالة اكتب فيه من امبارح
المهم جه ورق الاجابه...وكله شغال تسطير (قال يعنى هيحلوا)
وشوية وجه ورق الاسئلة..فاعاد المشرف التعليمات ..مينفعش كده يا محمد؟؟؟..وبينما هو كذلك..لقى broken heart عمال ياكل فالتفت اليه قائلا:ايه يا عم انت فى امتحان ولا فى الجنينة؟
فاجاب بثقة:اصلى مش هعرف اجاوب طول ما هيا فا ضيا
فقاطعه DR_ALHOB...لا معلش مفيش اكل هنا..هاته هناززز(وطبعا عارفين مشرفنا عايزه ليه؟)
وبدات queen of love فى قراءة ورقة الاسئلة..ثم تمتمت:ايه يا جدعان ده الكلام ده فى المنهج؟..
فرد الفرعون اه صحيح ايه ده؟..دا غير اللى انا كاتباه على( كم) القميص..
اما بقى shiko فمن اول ثانيه وهو نازل كتابه...فسالهmido :انت بتكتب ايه انت عارف تحل؟..فرد shiko بثقة :طبعا يا بنى انا مذاكر الجغرافيا كويس..فرد عليهmido :جغرافية ايه؟دا النهاردة امتحان العربى..فتوقف .. ياسلام قائلا باستغراب : يا راجل..!وانا اقول فين الخرايط؟
اما بقى broken و king فمقضينها مسجات...ها عرفت تحل حاجة؟
لا لسه؟....طب لو عرفت ابعتلى please call me فل؟
وبالفعل لجنة الامتحانات الترفيهية جايبه امتحان صعب وكان كالاتى:
السؤال الاول :التعبير:
اكتب فى الموضوع اللى قدامك وانت ساكت:
(قصة) بكابوزا ولد لطيف اتولد مالقاش لا ابوه ولا امه ولا خالتو ولاعمتو ولاعمو ...ولكنه قرر انه يقاوم..ويعمل مشروع هوه واخواته ال12 عشان يواجهوا الحياه..اكتب فيما لايقل عن 20 صفحة قصة كفاح هذا الشاب ومشروع المخدرات اللى عمله وفى النهايه اوعى تنسى تقولنا اتقفش ولا لأ؟

السؤال الثانى:من قصة (كفاح باكابوزا) اجب عن الاتى:
1-ولد بكابوزا سنة(10 ق.م-20 ق.م-1985)
2-هرب باكبوزا طن الحشيش فى (الشراب-شنطة المدرسه-قسمهم على الاتنين؟)
3-اخوات باكبوزا عددهم(11-13-14)
فى ما لايقل عن 10 صفح اتكلم عن كفاح بكابوزا....(ملحوظة:غير اللى كتبيهم فى التعبير)

السؤال التالت:القراءة:من موضوع (باكبوزا والحياة):
1-استطاع باكبوزا بناء نفسه فى.......
2-الاصناف الى كان بيتاجر فيها......و.....و......و......و.....و....
3-اسماء اخواته.....و....و...و....و....
................................انتهى الامتحان....................
وابقوا قابلونى لو عرفتوا تحلو

انتهى ....ايه رايكم...وكل من ورد اسمه...اوعى يزعل ... واللي نسيت اقول اسمو بردو اوعى يزعل

ههههههههههههههه والله تحفة بس على فكرة امتحان العلوم داه كان فيه مسال رياضة كتير

بروكن الحق استخبى احسن انت سقطت

لالالالالالالالالا محدش عندنا بيسقط كلنا بننجح وبتقدير كمان ما تقلقشي يا بروكن

ايه الجمال ده ياملكه هو فى امتحان سهل كده كل اللى كتبته على التخته جه ههههههههههههههههه

علشان الكل ينجح احنا مش بنحب نزعل حد خالص في القسم بتاعنا

اهم حاجه تكوني جاوبتي في الامتحان

باكولي يا جماعة أنا نجحت وبتقدير وكله ميه ميه ,, يلا ربنا يكرم بقى الناس الدور التاني زعلونا والله,, مع إن الامتحان كان سهل ميه,, كده يا بروكن تتقفش بورقة برشام تاني تاني انت ما بتحرمش يابني