دكتور الحب

ودة حاجة جديدة راجع بيها ليكم يمكن فيها استفادة ويمكن فيها العكس بس هنشوف وانتو الى ليكم الاختيار

برنامج واسمو دكتور الحب اى انسان لية سؤال او استفسار فى الحب او واقع فى مشكلة هيقولها وانا على قد ما ربنا يقدرنى هرد علية انا شايف انو هيكون فيها شى من الجراءة بس اتمنى ان الكل يشارك الى بيحب والى مش بيحب برنامج هيكون لزيز وظريف الغرض منو دايما الانسان مش بيكون كامل الافكار بيحتاج مسعدة بيدور على اى شخص يساعدة او يشاركة الافكار واحنا هنا هنعمل كدة واعتقد ان موضوع الصور والموضوع دة هيكونو فيهم شى من الجراءة واتمنى ان المنتدى كولو يكون جرى وانتظرو باذن الله الاستايل الجديد بعد ما الحمد لله قومت من المرض واتمنى اشوفكم كلكم فى احسن حال ومستنى ردودكم بلموافقة او عدم الموافقة

اولا الف سلامه عليك يا دكتور وثانيا الفكره رائعه جدا و انا موافقه وبقوه على البرنامج لانه فعلا جرئ واكيد كلنا هنستفيد وكفايه روح التعاون والمشاركه اللي هتكون بينا ... في انتظار باقي الاراء

الف لاباس عليك ياقمر

كمل البرنامج بتاعك ده ياعم اسامه منير وربنا يوفقنا كلنا

العبة جاهزة وانا بانتظار الاسالة وانا جاهز باذن الله للرد على اى سؤال

وعلى فكرة يا بروكن اسمى احمد مش اسامة منير king

ماشي يا أسامة ,, احنا قلنا الصراحة وبلاش التصييح بالخاااااااااااارج أدينا قلنا,, أول سؤال هيكون مني عايز أعرف إيه هي حدود الغيرة اللي ممكن الإنسان العادي يغيرها على حبيبته أنا واحد من الناس اللي بغير جدا وبالذات على الإنسانة اللي بحبها ,, ممكن أغير من أي شيء ودا انا بعتبره عيب لانه تعبني جدا بالرغم من إن الغيرة المفروض تكون شكلها جميل ولذيذ بس معايا انا متعبة جدا مش عارف ليه,, انا مش هقدر احكي مواقف ولا أي حاجة اكتر,, ناقشوا الموضوع بشكل عام كده بس نحاول نحقق أكبر قدر من الاستفادة للجميع مش ليا أنا بس,, وأنا في انتظار الردود

draem

السؤال التاني يادك

بتقول ان الانسان في حالة الاعجاب بيبدا من القمه للقاع والعكس في الحب
بس ساعات كتيره الانسان من شدة المشاعر اللي جواه مايقدرشي يفرق اذا كانت حب او اعجاب ناحية الانسانه الللي هوه بيكلمها اساعت كتيره الانسان بيعيش في مشاعر الاعجاب كانها حب واكتر وممكن مايكتشفش انها اعجاب الا بعد مايحصل موقف غير مقصود يوضحله الامر
اذاي تفرق بينهم
وعلى فكره انا بختلف معاك ان الاعجاب يبدا من القمه وينتهي بالقاع
لانه ممكن الاعجاب بالقرب من الانسانه اللي انت معجب بيها ينقلب لحب وحب قوي جدا كمان ده رايي ومستني اجابتك
وماتزعلشي ياعم من اسامه عشان ان فاهم انت ليه زعلت

بص يا كينج الغيرة شعور جميل ولزيز بس حاسب وخلى بالك لانو فى اعلى درجاتة ممكن يخليك الاحساس دة يتحول لشك ودة شعور فظيع يا رب ما يدخل جواك الغيرة هيا انك بتحس ان حبيبك شى منك ونقصك وبتحاول بقدر الامكان انك تقربة منك لحد ما يكملك وعشان كدة بنقول علية مثلا (نصى التانى ) الغيرة شعور ممزوج بين الحب والخوف كونك بتغير على حبيبك دة شعور لزيز وصدقنى لو مغرتش علية يبقى ممكن اشكك فى حبك لية .

الغيرة ممكن نطمنها بلثقة ثقتك فى حبيبك هيا الى هطمن الغيرة او زى ما بنقول ( الحب والخوف الى جواك )

ودى ترجع لحبيبك حبيبك لما بيحث انك بتغير علية بيحس بشعور جميل ان امرة يهم انسان بيحبة وبيخاف علية ممكن ياجى علية وقت ويدلع عليك علشان تحس بلغيرة ويحبك وتحبو اكتر وممكن يحسسك بثقة تخليك تطمن الغيرة الى جواك انك انت حبيبك وحبيبك هوة انت انسان واحد فى صورت جسدين بيكملو بعض حبيبك يزعل منك فى حالة واحدة لو حس ان الغيرة اتحولت لشك وهنا دى حاجة تانية حاول تتجنبها .

فى كتير يا كنج بس انا قولتلك الى ربنا قدرنى علية ويا ريت اشوف باقى المنتدى شباب وبنات يشتركو الموضوع مش مقتصر على الشباب وبس

كلامك حكم والله يا دك

ربنا يخليك يا أحمد كلامك كله أنا عارفه وكويس إنك فكرتني بيه وفعلا بجد كلامك كان بيحصل معظمه بدرجات متفاوته طبعا بس كويس إنها حقيقة كتير عارفها مش أنا لوحدي وشكرا على الرد الجميل يا دك

دكتور ياريت والنبى تعمل لنا لسته فيها الاسعار فى الاول كده الكشف بكام
والاستشاره بكام والاعاده بعدكام يوم بس عشان نعرف مش ندخل نسال
ونتنفخ فى الاسعار

ما تخافش يا فرعون كله مجاني بس اسأل انت اسئلة جامدة عايزين نشغل الدك

pop

هوه فين الدك عشان يشتغل اساسا

بكرة يدخل مش معقولة هيسيب الموضوع دا يعني دا بتاعه وهو بصراحة حمل نفسه مسئولية الرد ولازم يبقى قدوة بصراحة لما تشوفوا قولوا إزيك يا قدوة,, وقولوا البرنامج بتاعك شكله هيقفل بدري بدري

pop