لعبه حلوه اوي

السلام عليكم ورحمه الله وبركاته.
احلى سلام لاحلى اصحاب ازيكوا ان شاء الله تكونوا بخير ،
انا النهارده جايب حاجه كده لعبه تتعتمد على الحلم شويه
يارب القى اقبال بقى
*
*
*
*
*
*
*
*
*
*
للبنات ..............
ياترى هتعملى ايه لو انتى ولد لمده يوم واحد بس هتقضيه ازاى اليوم ده. لعبه حلوه اوي Clap

للشباب..........
ياترى هتعمل ايه لو انت بنت لمده يوم واحد بس برضه هتقضيه ازاى . لعبه حلوه اوي Clap

طبعا الولد ولد والبنت بنت كله كرامتوا محفوظه على راسنا بس الاجابه اجبارى يلا بقى سمعونا.

مع تحيات

برووووووووووووووووووكن

حلمت إني بنوتة ولما شفتك اتصدمت وجاتلي حالة عصبية ما تتوصفش,,, قولي بقى أنت إيه إحساسك يا كعبول لما تقابل بنوتة حلوة زي ويجيلها حالة صررررررع لما شافتك

مش قادر مش قادر رد بسرعة قبل ما ياخدوني مستشفى المجانين

مين عارف ياكنج يمكن لما البنوته دي تشوفني من الظاهر تتخض بس لما تتعامل مع الانسان كقلب وروح تغير رايها وانت عارف كده كويس عمر الشكل مايهم ماشي ياصاحبي وشكرا على مرووورك الراااااااااااائع

اما انا لو بنت هصاحب شله من الكليه عندي واقعد معاهم طول اليوم اعرف هما بيتكلموا في ايه وبيفكروا ازاي وايه اكتر موضوع ممكن يشغل دماغهم بجد بس

يا ساتر أنت طلعت واد سوسة يا أحمد عايز تبقى بنت يوم علشان تقعد وسط البنات تشوف بيقولوا إيه ههههههههههههههههههههههههه ,, إيه يابني الحرمان دا كله يخرب بيت عقلد مش قادر امسك نفسي من الضحك,,, طيب ما كنا فيها وكنت هعملك بنت ولا نسيييييييييييييت وكنت هتعيش أجمل لحظاتك وأنت بنوتة بس انت بقى قطعت بنصيبك ههههههههههههههههههه

هههههههههه هو بروكن اساسا ولا ولد ولا بنت حاجة وسط مينفعشى ولد ولا ينفع بنت

اما انا بقا لو بنت هروح اصاحب البنت بتاعتى عشان اعرف دماغها ماشية ازاى

شفت الفرعون حبيب قلبي قال ايه بس هوه اقال البنت بتاعته انا بقى نفسي اعرف كل البنا ت دماغها ماشيه ازاي طمع ياصاحبي تعمل ايه بقى

تصدق تصدق تصدق فكرة حلوة أول مرة آخد بالي منها إني أصاحبها وأعرف داماغها ماشية إزاي أكتر من اللي أنا اعرفه حلوو ووووووووووووووووو,, بس إزاي بقى التنفييييييييييييييييييييييذ

بس على فكرة يا كعبول أنت فرعون مش ممكن الواحد يصاحبها ويعرف دماغها من غير ما يكون بنت زيها يعني على أساس إنه حبيبها برده ممكن يعرف كل حاجة, ولا إيييييييييييييييييه

مش كل اللي يحب حد يعرف عنه كل حاجه ياكنج الانسان مش بيقول الا اللي هوه عاوز يقوله واكيد بيكون مخبي حاجه ليه هوه كشئ لشخصه بيس مش كل البنات كده طبعا

أنا شايف وجهة نظرك رايحة في جنبين يا ترى مين فيهم جايبك جايبك يا كوكو مش هتبعد كتير عني

non

ولا واحد من اللي في دماغك كنت عارف انك هتفهمها كده بس والله مش اللي في دماغك خالص دي وجهة نظر عااااااامه مش اكتر بطل تعمل فيها عم البرم اللي فاهم كل حاجه وهوه مش فاهم حاجه خااااااااااااالص ماعلينا صاحبي ونتحمله بقى اعمل ايه

أنا مش بحاول أعمل نفسي فاهم كل حاجة وعلى العموم أنا آسف يا كوكو ومش هقولك رأيي تاني علشان شكلك بتزعل وفاكرني بعمل ناصح عليك ,, بس أنا في الأصل كانت بهزار بس ما علينا فين بقى التواصل في الموضوع بتاعك نعمل إيه تاني يعني بعد كده هنفضل نتكلم كده كتير هنقعد نتخيل على نفسنا بنات والبنات صبيان يعني ولا إيه الظروف

أحمد أنا عندي تعديل صغير على اللعبة بتاعتك هنعكسها بس نخلي الأسئلة مفتوحة ,, يعني ,, الأولاد أولاد والبنات بنات,,, وكل طرف من الطرفين يسأل الطرف التاني عن سؤال منطقي وطبعا مع وجود الحدود وكل شيء بس أي شيء نفس أي طرف يسأل فيه ممكن يسأله طبعا مع التركيز على الجانب العاطفي اللي هو الإطار العام للمنتدى ,, متهيقلي كده اللعبة هتبقى حلوة ومفتوحة أكتر من الأول ,, بس ما حدش يبدأ إلا بعد ما كوكو صاحب الموضوع يقولي إنه موافق على التعديل دا,, ولو ما وافقش وأنتم عايزين الموضوع نعمله كلعبة جديدة بس اللي خلاني اعمله هنا إن الموضوع الأصلي وقف لأنه متوقف على سؤالين ومش مظبوط أوي اللي موافق يا جماعة يقول وخاصة طبعا كوكو لازم أولنا

draem

المشكله اللي وقفت الموضوع كلها وموقفه المنتدى ان مافيش حد بيدخل غير احنا التلاته والرعون احيانا بس

عادي لو فكرتك دي هتنشط الموضوع اوكي تمام شغااااااااااااااااااااااال وانت قول اول سؤال

أوك بس خلي بالك بقى لو الولد سأل البنت اللي تجاوب والكل يستنى لحد ما البنات تجاوب والعكس وحاليا طبعا كوين اللي هتتهري اسألة لحد ما البنات الباقية تدخل بس هبدأ أول سؤال بس إيه تكون الإجابات في الصمييييييييييم يعني واضحة ومختصرة وتجيب المفيد على طول والأسئلة مش بتكون موجهة لحد معين يعني كله يجاوب من وجهة نظره وافكركم تاني دي أسئلة من الصبيان للبنات والعكس يعني الأسئلة تكون في المعقول وفي نفس الوقت تكون مرحة يعني زي ما احنا

thx

إيه أكتر حاجات البنت تحبها من الإنسان اللي بتحبه يعني بشكل عام طبعا في فارق شخصيات بس بنقول عامة يعني ؟؟؟؟ على فكرة اللي مش موافق على اللعبة يقول ونلغيها وعادي نغيرها لأي حاجة تانية

draem