حب ام خداع..؟؟

اولا : اعرفكم بنفسي
انا : مجرم"على فكرة انا بنوته"
عمرى:18 سنة
الحياة العاطفية : مجروحة او مخدوعة
ثانيا ::: احكيلكم القصة وياريت تساعدونى
انا بلعب مزيكا من زمان اوى "من الاخر المزيكا دى كل شئ حياتى"
المهم وطبعا عندى اصحاب كتييييييييييير
مش تسرحوا خليكوا معايا
المهم
كنت ناسية الحب والعاطفة والكلام دا لانى كنت مجروحة من حد المهم قررت انى ابعد عن الحب واعيش مع المزيكا واصحابي
وجيت
ف يوم حبيت حسيت ان بعد ما كانت الدنيا كلها سواد فجأة اتملت بالحب والفرح
والسعادة مش هطول عليكم طبعا الحد اللى انا حبيته دا اعترض على ناس من
اصحابي وعلى المزيكا"اللى هى طبعا كل حياتى"بس طبعا علشان الحد اللى انا
بحبه وافقت انى ابعد عن كل دا
المهم
حبيت بما تعنى الكلمة من احساس ومشاعر وصدق
وهنا تبدأ النهاية
ف يوم عيد ميلاد الحد اللى انا بحبه دا خرجت من بيتي مخصوص علشان هدية عيد ميلاده ولولا الهدية دى مش كنت خرجت
المهم
عدى اليوم دا وتانى يوم لقيت الحد اللى انا بحبه دا بيقولى انتى قابلتى حد امبارح وشك فيه
مع انى ف اليوم دا مش قابت حد بالصدفة
وقرر الفراق ونسي حبي ليه ونسي الكلام اللى كان بيسمعهولى عن الحب والحياة الجميلة اللى هنقضيها سوا وكــــــــــل حاجة
ياترى كل دا كان كدب؟؟؟ ولا تمثيل؟؟؟ ولا بجد؟؟؟
انا للاسف وبكل اسف فقدت الثقة ف كل الناس اللى حواليا وهو السبب وطبعا الدراسة بالنسبالى الترم دا خلاص كدا ضاعت واصحابي وهو
مش عارفة اعمل ايه؟؟؟؟؟؟

بس دى كل الحكاية
ياريت اعرف رأيكم
واعتقد ان مش في حد ف المنتدى يعرفنى او بيعرف الحد اللى انا بتكلم عليه ودا هيساعدكم انكم تحكموا بالعدل

واسفة انى طولت عليكم بس ارجو الرد ضرورى
thx

اهلا وسهلا بيكى وربنا يباركلك فى عمرك ويكون كله سعاده يارب
بالنسبه لقصتك
احنا لما بنحب بنلغى عقلنا او مشاعرنا هى اللى بتكون المحرك لينا ونحاول نرضى اللى بنحبه باى شكل من الاشكال عشان نحافظ عليه
وخصوصا انك كمان كنتى مجروحه فانجرفتى بمشاعرك
ومعطيتيش اى فرصه لعقلك طيب عشان الغى اهم حاجات فى حياتى وعشان انسان مهما كان على الاقل هو لازم يدينى تبرير للتصرف ده
ابعد عن المزيكا وهى زى ما بتقولى كل حياتك واصحابك اللى هم برضو وجودهم اساسى فى حياتك ومن الصعب نلاقى اصحاب دلوقتى وهو حتى مقدرش الحب ده
بالاضافه لكل ده شك فيكى من غير اى مبرر ومن غير اى دليل
( ان بعض الظن اثم ) صدق الله العظيم
ده لو شخص جه شكك فى شخص قريب ليكى هتقولى لا لما اشوف بعنيا ولا شوفت مظلمهوش واواجهه فمابالك لو حبيب بدون اى مبرر او اى سبب يرمى الحب ويقرر الفراق فينا الدليل على شكه فين فرصه دفعاك عن نفسك ازاى ده تقدرى تقولى عليه حب بعد الكلام ده
اشك ان الانسان ده كان بيحب
ثانيا / ربنا يباركلك فى عمرك انتى لسه سنك صغير وحبيتى وانجرحتى وشوفتى الدنيا سوده طيب ليه متاخديش عبره من اللى حصل قبل كده وتنهى دراستك الاول على خير وبعدين الحب الحقيقى هيجى فى وقته لما ربنا يريد
من رايى ارمى اللى فات ده ومش تنسيه بس تاخدى منه عبره لحياتك اللى جايه وميكونش مرحله تضيعى حياتك عليها
اتمنالك كل الخير والسعاده وتقبلى رأيى

اولا واضح من كلامك انك انسانه عظيمه لما بتحبي بتحبي بكل جوارحك واحساسك
وده احلى مافي الحب والحب عمره ماكان ذنب عشان تعاقبي نفسك عليه وتفقدي ثقتك في اللي حواليكي
صدقيني الانسان ده معندوش ثقه في نفسه عشان يقدر يثق في الاخرين وواضح انه بياع كلام
اياكي تخلي التجربه تهزك او تهدمك بالعكس خاليها تديكي القوه اكتر انك تتقدمي وتثبتي لانسان ده انك اقوى من اي جرح وماتخليهوش يشوف عليكي علامات الضعف اللي هتفرحه فيكي
عيدي حساباتك ارجعي للموسيقى بتاعتك اللي اكيد اشتاقت لكي كما اشتقتي لها
كلمي اصحابك وفهميهم الوضع ولو بيحبوكي بجد هيسامحوكي وهيرجعولك
ولما تحبي بعد كده حكمي قلبك وعقلك سوا مع بعض
واتمنالك حياه سعيده وسوري على التاخر في الرد عليكي