من العضو الذى فى بالك هذه اللحظه..

بسم الله الرحمن الرحيم

دى لعبه انا اقتبستها طبعا من منتدى اخر.......

اختصار اللعبه ..

انك تكتب العضو اللى بتفكر فيه فى لحظه قرائتك للعبه دى

وسبب مجيئه فى عقلك..

اكيد انتى يالورا علشان بقرا موضوعك

ميرسي يا حبيبه قلبي و انا اكيد انتي برضه علشان ردك الجميل ده

طيب والى لسة صاحى من النوم يفكر فى اية انا بفكر فى انى اتسحر هموت من الجوع

على فكرة واضح جدااا انك لسه صاحى من النوم

بدليل ان حضرتك كاتب انت نفسك فى ايه

والموضوع اسمه مين العضو اللى فى بالك .. مش بتقكر فى ايه ولا نفسك فى ايه

هههههههههههههههههه خلاص معزور يا همس معلش بكره انت تصحي بدري و تلخبطي المنتدى خالص هو انا مش عارفاك ده انت بتهدي البيت لما بتصحي ربنا يكون في عونا بقا على المفتريه دي سيحتلك سيحتلك يا خوفي على اللي هيجرالي
يلا طبعا المنتدى كله معايا ميرسي ميرسي مش عارفه اقولكم ايه

العضو اللى في بالى دلوقتي هو

الفرعون الصغير

والسبب انه رد على موضوع لدكتور الحب وقال ان الحب فعلا كدبه

مع احترامي لرأيو بس عايزه اعرف هو حكم على الحب بانه كدبه على اساس ايه؟؟!

على اساس انى انا الى قلتها الاول

وحضرتك قولتها برضه على اساس ايه

قلتها على اساس ان دة واقع ناس كتير عايشاة

و الله ما فاهمه حاجه انتم بتتكلموا بالالغاز بقا دي اخرتها

اوك فى ناس عيشاه .. بس مش كتير زى مابتقول

ولو افترضنا ان فى ناس عيشاه .. مش كله برضه

يبقى متحطش جملة وتعممها ع الكل .. وفى ناس غير كده

فاهمنى ؟؟!!

اما بالنسبة للعضو اللى فى بالى دلوقت فهى لوراا

تاني بتتكلموا بالالغاز تاني هو مفيش فايده يعني
طبعا انا اللي في بالك علشان غبائي ده
بتتكلموا في ايييييييييييييييه
يا ساتر يارب

يالورا ياحبيبتي انا هفهمك الموضوع

كل ما في الموضوع ان انا كنت بسال الفرعون ليه بيقول ان الحب كدبه ولو قريتي الموضوع من الاول هتفهمي

فهمت الموضوووووووووووووووووووع
يا سلاااااااااااااااااااااام يا سلااااااااااااااااااام
على ذكائي
لالالالالالالا ده انا طلعت ذكيه يا ناس
يلا بقا

الحمد لله انك فهمتى

العضو اللي في بااااالى .. ميييييييين

همس الروح

همس الروح ليييييييييييييييه قولي مين و السبب مش هقعد اجري ورا كل واحد و اقوله كده اوف بقا تعبتوني

انا العضواللي في بالي هوه الملكه عشان كتبت موضوع اسمه نحن الاوفياء عاجبني جدا بجد واحب اهنهيها عليه وانتي يالورا مش طالبه كل شويه تقعدي تفكرينا وسوي في اللفظ ان ذكائك نسبتته منخفضه عشان الفضايح بس ولا انتي ايه رايك ههههههههههه

لالالالالالالالالالالالا
كده كتير
هو انا كل اما اروح حته القي تهزيق
كده كتير قوي
انت بقا اللي نسبه الذكاء جامده صح

انا مش هرد علشان رمضان بس
او بمعنى اصح علشان مش هعرف ارد
علشان رمضااااااااااااااااااان هه كل سنه و انتم طيبين و ربنا يسامحك بقا

مين اللي في بالك يالورا ما تنسيش تاني

العضو اللي في بالي هو كينج ومش هقول السبب ( هحتفظ بيه لنفسي )

انا العضو اللي في بالي هيه لورا عشان زعلانه مني جدا واحب اصالحهاواقولها كل سنه وانتي طيبه ياقمر وانتي قمر وزي العسل وزي السكر وحلوه خالص وهجبلك مصاصه

والله اعيط واقلب الدنيا ... انا كمان عايزه مصاصه مليش دعوه Crying or Very sad

اشمعنه لورا

ياختي ياحلوه يانغه ياقمر هتعيطي لا وانا مش حمل الدموع دي هجبلك يانغه مصاصة احلى من بتاع لورا كمان ولا تزعلي نفسك خالص ياقمر عاوزاها مطوله ولا مدوره ولابتصفر اللي يريحك كله موجود ههههههههههه