من العضو الذى فى بالك هذه اللحظه..

العضو اللى فى بالى دلوقت هو الكنج لانى بحاول اكتبله الطريقة بالظبط

ادعيلى اعرف اكتبها بقا

انا جيت وجبتلك الوصفة بس المشكلة انى مش بعرف اوصف اوى بس على قد ماقدرت شرحت

انت تجيب كيلو مكرونة اللى هما كيسين يعنى . تمام ؟ ، ونصف كيلو لحمة مفرومة لو تحب تجيب كيس واحد مكرونة يبقى ربع كيلو بس لحمة مفرومة "حلو كده" ؟ ، وتجيب كيس بشاميل بيتباع جاهز هو فى اى محل " مش بعرف اعمل البشاميل بصراحة فبجيبه جاهز لو تحب اكتبلك طريقته اوكى عادى ، وطبعا تبقى حاطط جنبك سمنة وملح وفلفل والتوابل

نيجى بقا للطريقة : اظن ان انت بتعرف تسلق مكرونة ! المهم اسلقها يعنى ولو مش بتعرف قولى وانا اقولك ازاى
وبعدين بعد ماتسلقها تسيبها شوية بعيد كده على ماتعمل بقيت الحاجة يعنى

حتجيب حلة وتعط فيها شوية سمنة وبعدين تحط عليهم بصلة واحدة متكنش كبيرة اوى يعنى المهم حتقطعها وتحطها لحد ماتحمر كده تمام ؟ ، وبعدين تحط عليهم اللحمة المفرومة وتقعد تقلب كل شوية وتحط شوية مية كل شوية ومعلقتين صلصة من عندك وتقلب بقا ودوق كده كل شوية شوفها ايه نظامها حلوة ولا لسه ناية ولا ايه لو لقتها لسه حط شوية ماية بس مش كتير يعنى تمام وحط بقا التوابل والملح وكده ولو مش بتعرف تحط اد ايه حط شوية صغيرين ودوق لو لسه حط لو خلاص يبقى تمام

كده يبقى اللحمة المفرومة والمكرونة خلصوا ، سيبهم بقا وتعالى نعمل البشاميل
حتجيب كيلو حليب تقريبا " هو بيبقى مكتوب على الكيس محتاج اد ايه حليب ومكتوب الوصفة بالظبط انا اما عملتها كنت بعمل اللى مكتوب بالظبط شوف كده لانى بصراحة مش معايا كيس بشاميل دلوقت بصراحة المهم طبق اللى مكتوب على الكيس بالظبط واقعد قلب البشاميل على النار كتير لحد اما يبقى ماسك كده وتسيبه يبرد شوية

بعدين حتجيب البشاميل وتقسمه نصين نص تحطه على المكرونة كلها وتقلبهم كده مع بعض تمام وبعدين تجيب صينية مدهونة كده سمنة وترش عليها شوية دقيق خفاف اووى وتحط عليها نص المكرونة اللى انت عملتها تمام ؟
بعد كده تجيب اللحمة المفرومة اللى انت سبتها بعيد دى وتحطها فوق المكرونة اللى انت حططتها فى الصينية
وتجيب بقيت المكرونة اللى انت سبتها قبل كده وتحطها فوق اللحمة المفرومة
واخر حاجة بقا تجيب البشاميل اللى ناقص وتحطه فوق خالص بقا وتقوم حاططها بقا فى الفرن

وكل شوية بقا كده تروح تشوف ايه اللى حصل لحد اما تحمر وعلشان تعرف هى استوت ولا لا تجيب سكينة كده ولا اى حاجة رفيعة وتحطها ف الصينية تشوف لو البشاميل لسه مستواش واى حاجة طلعت معاك ف السكينة حاجة سايبة يعنى كده يبقى لسه لو تمام ومفيش حاجة طلعت يبقى بالهنا والشفا

بس افتكرنا بقا معاك باى حاجة ، هو ده اللى قدرت اكتبه بصراحة لكن لو انت معندكش بشاميل جاهز فى اكياس اوكى قولى وانا اقولك طريقة البشاميل نفسه ازاى

ولو ناقص اى حاجة انا نسيت اكتبها قولى عليها لانى بصراحة مش بعرف اوصف اصلا

انا العضو اللى فى بالى دلوقت كنج

لان كلام بروكين ده ميطمنش ، ربنا معاك ياكنج ويكون خير ان شاء الله

العضو اللى فى بالى دلوقت هو بروكين علشان سأل عليا

واحب اقوله مفيش حاجة خلاص ده كان موضوع كده وانتهى خلاص وانا تمام دلوقت

ومتشكرة اوى على سؤالك